Transliteration: (Wallazee qaala liwaali daihi uffil lakumaaa ata'idanineee an ukhraja wa qad khalatil quroonu min qablee wa humaa yastagheesaanil laaha wailaka aamin inna wa'dal laahi haqq, fa yaqoolu maa haazaaa illaaa asaateerul awwaleen)
{وَ الَّذِیْ قَالَ لِوَالِدَیْهِ: اور وہ جس نے اپنے ماں باپ سے کہا۔} اس سے پہلی آیات میں وا لدین کے ساتھ اچھا سلوک کرنے والے بیٹے کا
وصف بیان ہوا اور اس آیت میں اپنے والدین کے نافرمان بیٹے کے بارے
میں بیان کیا گیا ہے۔آیت کا خلاصہ یہ ہے کہ وہ شخص جسے ا س کے والدین
نے ایمان کی دعوت دی تو اس نے اپنے ماں باپ سے کہا: اُف تم سے دل بیزار
ہوگیاہے ،کیا تم مجھے یہ وعدہ دیتے ہو کہ میں مرنے کے بعد قبر سے زندہ
کر کے نکالاجاؤں گا حالانکہ مجھ سے پہلے کئی زمانوں کے لوگ
گزر چکے ہیں ، ان میں سے توکوئی مر کر زندہ نہ ہوا ۔ اس کے مقابلے
میں ماں باپ کا حال یہ ہے کہ وہ اللہ تعالیٰ کی بارگاہ میں فریاد کرتے ہیں کہ وہ ان
کے بیٹے کی مدد فرمائے اور اسے ایمان کی توفیق دے اور بیٹے سے کہتے ہیں
: اے بیٹے! تیری خرابی ہو،تو مرنے کے بعد دوبارہ زندہ کئے جانے پر ایمان لے آ،
بیشک اللہ تعالیٰ نے مُردے زندہ
کرنے کا جو وعدہ فرمایا وہ سچا ہے، لیکن بیٹا انہیں جھٹلاتے ہوئے کہتا
ہے کہ جسے تم اللہ تعالیٰ کا وعدہ کہہ رہے ہو اس کی کوئی حقیقت نہیں بلکہ یہ تو پہلے
لوگوں کی کہانیاں ہیں جنہیں کتابوں میں لکھ
دیا گیا ہے۔
For a faster and smoother experience,
install our mobile app now.
صراط الجنان (Siratul Jinan) — سورہ الأحقاف آیت 17 تفسیر