Transliteration: (Wa law shi'naa la-aatainaa kulla nafsin hudaahaa wa laakin haqqal qawlu minnee la amla'anna jahannama minal jinnati wannaasi ajma'een)
{وَ لَوْ شِئْنَا: اور اگر ہم چاہتے۔} اس آیت میں اللہ تعالیٰ نے ارشاد فرمایا کہ اگر ہم چاہتے توہر جان کو ایمان کی ہدایت اور توفیق دیدیتے اور اس پر ایسا لطف و کرم کرتے کہ اگر وہ اس کو اختیارکرتا تو راہ یاب ہوتا ،لیکن ہم نے ایسا نہ کیا، کیونکہ ہم کافروں کوجانتے تھے کہ وہ کفر ہی اختیار کریں گے،اور میری یہ بات طے ہوچکی ہے کہ میں ضرور جہنم کو ان جنوں اور انسانوں سے بھردوں گا جنہوں نے کفر اختیار کیا ۔( مدارک، السجدۃ، تحت الآیۃ: ۱۳، ص۹۲۶، خازن، السجدۃ، تحت الآیۃ: ۱۳، ۳ / ۴۷۷، ملتقطاً)
جنوں اور انسانوں سے جہنم کو بھردیا جائے گا:
معلوم ہو ا کہ جہنم کو کافر جنوں اور انسانوں سے بھر دیاجائے گا۔ ایک اور مقام پر ابلیس کو مُخاطَب کرتے ہوئے اللہ تعالیٰ ارشاد فرماتا ہے:
’’ لَاَمْلَــٴَـنَّ جَهَنَّمَ مِنْكَ وَ مِمَّنْ تَبِعَكَ مِنْهُمْ اَجْمَعِیْنَ‘‘ (ص:۸۵)
For a faster and smoother experience,
install our mobile app now.
صراط الجنان (Siratul Jinan) — سورہ السجدة آیت 13 تفسیر