Transliteration: (Allazeena aamanoo wa a'amilus saalihaati toobaa lahum wa husnu ma aab)
{طُوْبٰى لَهُمْ وَ حُسْنُ مَاٰبٍ:ان کیلئے خوشی اور اچھا انجام ہے ۔} اس آیت میں مذکور لفظ ’’طوبیٰ ‘‘ کے بارے میں مختلف اَقوال ہیں ، بعض مفسرین فرماتے ہیں کہ طوبیٰ سے مراد راحت ونعمت اور شادمانی و خوش حالی کی بشارت ہے۔ حضرت سعید بن جبیر رَضِیَ اللّٰہُ تَعَالٰی عَنْہُ فرماتے ہیں کہ طوبیٰ حبشی زبان میں جنت کا نام ہے۔ حضرت ابوہریرہ اور دیگر صحابۂ کرام رَضِیَ اللّٰہُ تَعَالٰی عَنْہُم سے مروی ہے کہ طوبیٰ جنت کے ایک درخت کا نام ہے جس کا سایہ تمام جنتوں میں پہنچے گا۔ حضرت عبید بن عمیر رَضِیَ اللّٰہُ تَعَالٰی عَنْہُ فرماتے ہیں ’’یہ درخت جنّتِ عَدن میں ہے اور اس کی جڑ سرکارِ دو عالَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کے ایوانِ مُعَلّٰی میں اور اس کی شاخیں جنت کے ہر بالا خانے اور محل میں ہیں ، اس میں سیاہی کے سوا ہر قسم کے رنگ اور خوش نمائیاں ہیں ،ہر طرح کے پھل اورمیوے اس میں پھلے ہیں ، اس کی جڑ سے کافور اور سَلسبیل کی نہریں رواں ہیں ۔( خازن، الرعد، تحت الآیۃ: ۲۹، ۳ / ۶۵)
For a faster and smoother experience,
install our mobile app now.
صراط الجنان (Siratul Jinan) — سورہ الرعد آیت 29 تفسیر