Transliteration: (Awalam yahdi lahum kam ahlaknaa min qablihim minal qurooni yamshoona fee masaakinihim; inna fee zaalika la aayaatin afalaa yasma'oon)
{اَوَ لَمْ یَهْدِ لَهُمْ: اور کیا اس بات نے ان کی رہنمائی نہیں کی۔} یعنی کیا اس بات نے اہلِ مکہ کی رہنمائی نہیں کی کہ ہم نے ان سے پہلے کتنی اُمتیں جیسے عاد ، ثمود اور قومِ لوط وغیرہ ہلاک کردیں اور آج اہلِ مکہ جب تجارت کے سلسلے میں ملکِ شام کے سفر کرتے ہیں تو ان لوگوں کے مَنازل اور شہروں میں گزرتے ہیں اور اُن کی ہلاکت کے آثار دیکھتے ہیں ۔ بیشک اس ہلاکت اور اس سے متعلقہ آثارمیں ضرورعبرت کی نشانیاں ہیں تو کیایہ قرآن کو غور سے نہیں سنتے جو عبرت اور نصیحت حاصل کریں ۔ (مدارک، السجدۃ ، تحت الآیۃ: ۲۶ ، ص۹۲۸ ، خازن ، السجدۃ ، تحت الآیۃ: ۲۶، ۳ / ۴۸۰، روح البیان ، السجدۃ، تحت الآیۃ: ۲۶، ۷ / ۱۲۸، ملتقطاً)
یاد رہے کہ برباد شدہ لوگوں کی بستیوں کو عبرت کی نگاہ سے دیکھنا بہت اچھا ہے اور اسی طرح مقبول بندوں کے آثار یعنی مزارات کی زیارت بھی بہت عمدہ ہے۔ پہلے سے گناہوں کا خوف اور دوسرے سے نیکیوں کی محبت پیدا ہوتی ہے۔
For a faster and smoother experience,
install our mobile app now.
صراط الجنان (Siratul Jinan) — سورہ السجدة آیت 26 تفسیر